愛羣義工團✨押解及支援組分隊，喺11月2日早上參與咗「苗圃12小時慈善越野馬拉松2025」🏃🏃‍♀️義工活動，負責維持秩序🦺及道路安全🛣️。 當日義工們緊守崗位，全情投入工作，確保參賽健兒嘅安全，令活動順利進行👏🏻。 除左參與義工活動，義工們亦不忘提醒各位，立法會選舉將於12月7日舉行，讓我們同心投票建未來🗳️，共創更美好的香港❤️！

在10月29日，愛羣義工團✨羅湖懲教所分隊前往香港拯救貓狗協會，參與清潔貓舍義工服務🐱。義工們齊心協力照顧眾多待領養的貓隻，包括清理貓籠、打掃貓舍🧹及餵飼貓隻🥣等，為牠們營造舒適的住所與生活環境🥰。 喺這個洋溢愛心嘅時刻，義工們亦不忘提醒各位，立法會選舉將於12月7日舉行，讓我們同心投票建未來🗳️，共創更美好的香港❤️！

在10月16日，愛羣義工團✨喜靈洲分隊聯同坪洲長者青少年鄰舍中心合辦「樂齡喜靈關愛長者大行動」👴🏼👵🏻。活動當日，愛羣義工與坪洲居民義工一同於區內探訪長者，為他們送上溫暖與關懷🥰。探訪期間，義工們親切問候長者，並送上禮物袋🎁，以表達誠摯的慰問與支持。義工們期望日後繼續將關愛傳遞給更多有需要的人，推動關愛共融的社區文化❤️。

【 #為善最樂 | 中秋愛心速遞．身心靈幸福圓滿 】 中秋節快樂！為咗分享中秋佳節團圓嘅喜悅同祝福，#懲教署愛羣義工團 又出動送暖喇！愛羣義工團早前 #兵分多路，帶埋 #懲教二代 去到多區同弱勢群體分享節日喜悅，利用公餘時間無私奉獻、送上關愛！ 「中秋節快樂！身體健康！」義工們一句簡單嘅祝福，足以令長者臉上綻放出真摯燦爛嘅笑容。#東頭懲教所分隊、#赤柱監獄分隊、#押解及支援組分隊 同 #荔枝角收押所分隊，早前率先去到彩雲邨向長者派發 #中秋福袋，而 #壁屋監獄分隊 就去到鳳德邨，同樣為長者送上節日關懷。#大欖懲教所分隊、#羅湖懲教所分隊 及 #香港懲教學院分隊，則聯同 #潤愛同行 去到 #土瓜灣社區客廳，向基層住戶派送月餅分享佳節喜悅。 另一邊廂，#小欖精神病治療中心分隊 去到天水圍，喺關愛老人慈善活動入面，帶領一眾長者同照顧者一齊練習 #正念呼吸操，釋放壓力，以最好嘅心情迎接佳節。 小編希望大家都感受到愛羣義工團對社區滿滿嘅愛同祝福，祝大家身心靈幸福圓滿，中秋節快樂！ 香港懲教署 Facebook 官方專頁連結：https://www.facebook.com/share/p/17g6TN7MF1/

【 #關懷社區 | 風後關愛行動不停步．同心為浪浪修復家園 】 隨住超強颱風 #樺加沙 遠去，各懲教院所喺一眾人員夜以繼日展開修復同善後工作下，今早已全面恢復運作，但人員關懷社區嘅行動並冇停下腳步！ 今日 #懲教署愛羣義工團#香港懲教學院分隊，喺公餘時間去到位於 #元朗錦田 嘅 #香港拯救貓狗協會，幫助呢間受到暴風雨影響嘅 #流浪貓狗收容中心，清理塌樹同修繕設施，掃除潛在危險，並幫助中心盡快復常。 風雨後未必有彩虹，但總會有陽光！小編多謝一眾熱心嘅職員義工，無論係有需要嘅社群，抑或一班浪浪，都本住關愛精神，行多一步，為佢哋帶嚟光同暖。 香港懲教署 Facebook 官方專頁連結：https://www.facebook.com/share/p/16p3ChNkPt/

【 #關懷社區 | 未雨綢繆風雨同路．義不容辭支援大澳防災工作 】 超強颱風 #樺加沙 來勢洶洶，#懲教署愛羣義工團 喺尋日迅速動員咗 #沙咀懲教所分隊、#塘福懲教所分隊 及 #石壁監獄分隊，專程趕赴位處低窪嘅 #大澳 棚屋區，提醒居民做好防風準備及派送防災包俾佢哋，並身體力行協助 #水浸高危戶 堆砌沙包、升高傢俱電器等，同埋協助有需要嘅長者，前往附近嘅臨時庇護中心暫避。小編多謝一眾熱心嘅職員義工，值班前後仍義不容辭支援大澳防災工作，展現對社區嘅關懷。 希望大家喺颱風吹襲期間，做好預防工作之餘，不忘為有需要嘅左鄰右里及弱勢社群伸出援手，發揮守望相助、同舟共濟嘅精神，小心為上，平平安安 。 香港懲教署 Facebook 官方專頁連結：https://www.facebook.com/share/p/1MWMDhZkrQ/

【 #全懲起動 | 全運會義工誓師典禮．懲教愛羣義工展士氣 】 第十五屆全國運動會（#全運會）踏入唔夠兩個月倒數喇！呢項大型體育盛事不單需運動員積極參與，仲有賴一大班義工鼎力支持，當然唔少得 #懲教署愛羣義工團 啦！今日一眾獲正式委任為香港賽區義工嘅愛羣義工團成員就齊集喺伊利沙伯體育館，出席「第十五屆全國運動會香港賽區義工計劃」#誓師典禮，通過莊嚴嘅宣誓，展現義工團隊嘅團結、熱情同埋士氣！ 喺嚟緊嘅 #全運會，除咗有愛羣義工積極投入賽事嘅支援工作，以行動傳遞正能量之外，懲教署上下更會以唔同嘅方式 #全懲起動撐全運，將呢份運動嘅激情延伸到圍牆內外，小編將會繼續為大家直擊報道！ 香港懲教署 Facebook 官方專頁連結：https://www.facebook.com/share/p/17QGJMYYm7/

在9月6日，愛羣義工團✨大欖懲教所分隊共8名義工參與由行善最樂及明愛元朗長者社區中心（天澤中心）合辦的「福袋送暖迎中秋2025」義工活動。愛羣義工走訪天水圍區內的基層長者戶👵🏼👴🏼，親身探訪及將內有月餅等物資的福袋送到長者手上🎁。在活動中，義工亦向長者了解他們在日常生活上遇到的問題，並向社區中心作出適切轉介🤝🏼，讓長者們感受到人間有情 ，社區有愛。

【 #為善最樂 | 將專業應用到義務工作．為浪浪帶嚟幸福與希望 】 尋日 #懲教署愛羣義工團 警衛犬隊分隊嘅成員，參與咗 #香港拯救貓狗協會 嘅義工服務，教導一眾嚟自慈善組織「Smile with us HK」嘅義工，學習照顧同訓練等待被領養嘅犬隻（浪浪），從而增加浪浪獲得一個家嘅機會。 雖然尋日天氣相當翳熱，但無論係教授抑或學習嘅義工都非常投入。大家喺過程中努力透過耐心陪伴、用心互動，逐步建立浪浪對人類嘅信任同安全感。其實愛羣義工團警衛犬隊分隊，一直善用公餘時間，將工作專業應用到義工服務之上，恆常咁為浪浪進行社交禮儀同服從指令訓練，從而增加佢哋被領養嘅機會，努力為浪浪帶嚟幸福與希望。 香港懲教署 Facebook 官方專頁連結：https://www.facebook.com/share/p/17JPBh1P2D/

在8月9日，愛羣義工團壁屋懲教所分隊聯同瓊富區關愛隊舉辦「愛心同行」送暖行動，在富山邨進行長者探訪活動，為社區注入溫情。 縱使活動當日天氣酷熱，義工們身體力行上門探訪近100戶長者，並向他們送上物資與關愛。活動不僅促進了跨代交流，更讓義工們深刻體會到社區中仍有許多需要關注的角落。 義工團將秉持服務社會的精神，繼續向社區中有需要的人士提供支援及傳遞關懷。