愛羣義工團小欖精神病治療中心分隊於4月12日，喺助理署長(更生事務​)唐Sir嘅帶領下，走訪梁顯利油麻地社區中心，參與由香港兒童基金會主辦嘅「玩出好心晴-校園計劃啟動禮」。 ​活動由具備精神科護理背景嘅義工，透過喺台上分享，向現場超過100 位嘉賓、校長、老師、家長同學生一齊探討如何處理壓力同建立正向校園生活。除左上述分享講座，義工更協助籌備攤位遊戲，透過親子桌上遊戲及互動遊戲，推廣正向精神健康嘅重要性。 義工們不僅傳遞精神健康訊息，更發揮專業所長回饋社會。我們將繼續關注青少年嘅精神健康，為社區發展出一分力！

愛羣義工團赤柱監獄分隊喺3月31日走進東莞工商總會張煌偉小學，特別為同學們舉辦咗一場「匹克球體驗日」，將呢項充滿活力嘅運動帶入校園！ 喺活動期間，義工們悉心指導同學們匹克球嘅基本功，包括握拍姿勢、步法、發球、接球技巧及基本嘅得分策略，讓同學們喺輕鬆嘅氛圍下快速掌握竅門。義工表示，希望透過今次體驗，讓同學們從零開始接觸匹克球，好好享受匹克球嘅速度、準確度和團隊合作嘅樂趣！

【 #社區教育 | 愛護林木．植根人心 】 每種上一棵樹苗，都象徵住我哋對 #可持續發展 嘅堅持！喺剛過去嘅星期六，一班 #CaptainGor同學會 嘅會員喺懲教署署長黃Sir 帶領下，參與由羣力資源中心喺西貢蕉坑主辦的 #香港植樹日2026 ，一齊為保育林木、打造綠色香港出一分力！ 同日，#懲教署愛羣義工團 香港懲教學院分隊亦聯同 #潤愛同行 義工，支持呢項咁有意義嘅活動，同心合力種下一棵又一棵樹苗。大家咁落力支持呢個活動，唔單止以實際行動保護大自然，更希望將「關懷環境」嘅種子散播喺每個人心入面！ 香港懲教署 Facebook 官方專頁連結：https://www.facebook.com/share/p/1DxZNhNxDL/

【 #為善最樂 | 笙生不息．義助世界壯舉 】 日前 #懲教署愛羣義工團 聯同懲教署青少年制服團隊 #懲教先鋒領袖（CSPL）齊集啟德體育園，攜手為 #香港中樂團 主辦嘅國際笙簧節2026「笙生不息 千簧和鳴」笙簧馬拉松及黃昏戶外音樂會擔任義工。 一眾義工全情投入，協助登記、接待嘉賓及維持人流秩序等。佢哋亦見證逾1,200名參加者，一齊刷新「#最大規模簧鳴樂器合奏」健力士世界紀錄！小編恭喜大會成功刷新呢項紀錄，同埋多謝義工群策群力加持，造就今次壯舉！

【 #為善最樂 | 攜手行善．破風前行 】 尋日懲教署副署長（更生及管理）吳Sir為 #博愛醫院 主辦嘅「上海商業．#博愛單車百萬行 2026」擔任大會嘉賓，更去到起點為一眾參與今次慈善活動嘅 #懲教署單車隊 同 #懲教署愛羣義工團 打氣，攜手行善，破風前行！ #懲教署單車隊 隊員喺懲教署助理署長（更生事務）唐Sir及單車隊名譽副會長關嘉游帶領下，團結一心，奮力踩上汀九橋，以堅持同熱情完成21公里慈善騎行，向社會傳播關愛同正能量！ 嚟自 #懲教署愛羣義工團 多支分隊，包括 #押解及支援組分隊、#赤柱監獄分隊、#石壁監獄分隊、#塘福懲教所分隊、#大潭峽懲教所分隊、#勵敬懲教所分隊 及 #香港懲教學院分隊 嘅職員義工，更喺清晨已到達會場，全力支援賽事運作，以行動實踐助人精神。 小編多謝一眾懲教人員，無論喺場內場外都積極投入，為善不甘後人，充分展現出團隊關懷社群嘅熱心！ 香港懲教署 Facebook 官方專頁連結：https://www.facebook.com/share/p/1CPkLfx1iK/

【 #嘉許表揚 | 竭誠臻至為香港．懲教人員獲公務員事務局嘉許 】 #公務員事務局局長嘉許狀暨公務員義工嘉許狀2025頒發典禮 今日喺政府總部舉行，多位懲教人員包括懲教主任BALA Harbindar Singh、一級懲教助理鄧騝寧、冼景龍及雷煥藝，獲頒發 #公務員事務局局長嘉許狀，以表揚佢哋傑出嘅工作表現。 另外，#懲教署愛羣義工團 嘅分隊及眾多成員，亦獲頒 #公務員義工嘉許狀，以表揚佢哋喺參與及推動義工服務方面有卓越貢獻。其中，#懲教署警衛犬隊分隊 憑住「『以生命改變生命』流浪犬領養之旅」嘅義工項目，獲頒 #優良義工服務獎。而喺個人獎項方面，二級懲教助理蔡健庭榮獲領導策劃獎及卓越義工獎金獎、三名懲教人員獲頒卓越義工獎銀獎、24名懲教人員獲頒卓越義工獎銅獎。 小編再次恭喜所有獲嘉許嘅懲教人員，希望大家無論喺工作抑或公餘時間，都繼續發揮竭誠臻至嘅服務精神，為香港呢個家發光發熱。 香港懲教署 Facebook 官方專頁連結：https://www.facebook.com/share/p/18bJyNJHWh/

【 #為善最樂 | 以毅力與愛心．跑出健康生活 】 懲教人員 #寓運動於慈善 嘅精神，不停喺唔同嘅社區活動中體現！喺剛過去嘅周末，除咗有 #懲教署體育會 嘅健兒參加公益金百萬運動會，為「青少年服務」籌款動起來之外，#懲教署長跑隊 亦去到西沙GO PARK 參與 #毅力十二愛心跑暨運動嘉年華，更勇奪紀律部隊組亞軍𠻹！隊員透過接力跑嘅形式，唔單只籌款，同時推廣體育運動對健康嘅好處，鼓勵市民將恆常運動融入日常生活。 嚟自 #懲教署愛羣義工團 嘅 #香港懲教學院分隊、#沙咀懲教所分隊、#東頭懲教所分隊、#大欖女懲教所分隊 及 #石壁監獄分隊，更一連兩日派出職員義工為運動嘉年華提供協助，包括負責場務及管理攤位等工作，利用公餘時間，同心協力為大家送上一個既歡樂又有意義嘅周末。 香港懲教署 Facebook 官方專頁連結：https://www.facebook.com/share/p/1CAzzvgngt/

喺2月13日，愛羣義工團✨喜靈洲分隊聯同離島婦聯義工同埋聖家小學嘅師生👦🏻🧒🏻，一同參與清潔坪洲海灘活動。同學們在老師和義工嘅指導下，喺海灘共清理出8大袋垃圾🧹，當中包括有膠樽、發泡膠和即棄餐具等等，令海灘回復整潔💪🏼。活動另一重點喺透過進行垃圾分類♻️，教導同學們辨認可回收物料，更有同學表示喺親眼看到海洋垃圾嘅數量後，明白到要減少使用即棄餐同埋環境保育嘅重要性👍🏻。今次嘅活動能夠提升同學們和義工們嘅環保意識和垃圾分類習慣，透過教育一同保護大自然❤️。

【 #為善最樂 | 喜喜洋洋賀新歲．送暖傳情遍萬家 】臨近歲晚，懲教署制服團隊 #懲教先鋒領袖（CSPL）同埋 #懲教署愛羣義工團 又出動送暖喇💝！今次佢哋兵分多路去到多區探訪長者，各支團隊上下一心，將喜喜洋洋嘅氣氛洋溢四方！一眾CSPL早前喺懲教先鋒領袖名譽助理總監歐陽偉傑博士及懲教署助理署長（更生事務）唐Sir帶領下，去到黃大仙區探訪長者，集合年青人嘅活力為長者送上節日關懷🥰🫰。愛羣義工團更帶同家人分頭行動，#總部行動處 率先去到富山邨到戶探訪及送上新春福袋傳遞節日溫暖。#壁屋懲教所分隊 亦先後去到新蒲崗、慈雲山為區內長者家居大掃除洗邋遢，等一班長者唔使擒高擒低都可以有一個乾淨清新嘅屋企迎新歲。另一邊廂，#香港懲教學院分隊、#赤柱監獄分隊、#羅湖懲教所分隊、#荔枝角收押所分隊 及 #東頭懲教所分隊，為田灣漁映樓嘅長者清潔鐵閘及大門，並貼上揮春，增添家居嘅喜慶氣氛。希望大家都感受到一眾義工呢份關懷同暖意，小編都預祝大家有一個喜喜洋洋嘅新春佳節🧧🎊！ 香港懲教署 Facebook 官方專頁連結：https://www.facebook.com/share/p/1DLaNxf12x/

愛羣義工團✨小欖精神病治療中心分隊喺2月9日走訪屯門區仁德天主教小學🏫，為超過200 名小四至小六學生舉辦「青少年精神健康及毒品預防講座」💬。講座由持有精神科護理專業背景嘅義工透過互動方式向小學生分享以下內容：認識精神健康、如何處理壓力，以及遠離毒品禍害 。透過活動，義工們期望能以專業背景回饋社會❤️，為社區青少年精神健康盡一分力💪。