【 #關懷社區 | 風後關愛行動不停步．同心為浪浪修復家園 】 隨住超強颱風 #樺加沙 遠去，各懲教院所喺一眾人員夜以繼日展開修復同善後工作下，今早已全面恢復運作，但人員關懷社區嘅行動並冇停下腳步！ 今日 #懲教署愛羣義工團#香港懲教學院分隊，喺公餘時間去到位於 #元朗錦田 嘅 #香港拯救貓狗協會，幫助呢間受到暴風雨影響嘅 #流浪貓狗收容中心，清理塌樹同修繕設施，掃除潛在危險，並幫助中心盡快復常。 風雨後未必有彩虹，但總會有陽光！小編多謝一眾熱心嘅職員義工，無論係有需要嘅社群，抑或一班浪浪，都本住關愛精神，行多一步，為佢哋帶嚟光同暖。 香港懲教署 Facebook 官方專頁連結：https://www.facebook.com/share/p/16p3ChNkPt/

【 #關懷社區 | 未雨綢繆風雨同路．義不容辭支援大澳防災工作 】 超強颱風 #樺加沙 來勢洶洶，#懲教署愛羣義工團 喺尋日迅速動員咗 #沙咀懲教所分隊、#塘福懲教所分隊 及 #石壁監獄分隊，專程趕赴位處低窪嘅 #大澳 棚屋區，提醒居民做好防風準備及派送防災包俾佢哋，並身體力行協助 #水浸高危戶 堆砌沙包、升高傢俱電器等，同埋協助有需要嘅長者，前往附近嘅臨時庇護中心暫避。小編多謝一眾熱心嘅職員義工，值班前後仍義不容辭支援大澳防災工作，展現對社區嘅關懷。 希望大家喺颱風吹襲期間，做好預防工作之餘，不忘為有需要嘅左鄰右里及弱勢社群伸出援手，發揮守望相助、同舟共濟嘅精神，小心為上，平平安安 。 香港懲教署 Facebook 官方專頁連結：https://www.facebook.com/share/p/1MWMDhZkrQ/

【 #全懲起動 | 全運會義工誓師典禮．懲教愛羣義工展士氣 】 第十五屆全國運動會（#全運會）踏入唔夠兩個月倒數喇！呢項大型體育盛事不單需運動員積極參與，仲有賴一大班義工鼎力支持，當然唔少得 #懲教署愛羣義工團 啦！今日一眾獲正式委任為香港賽區義工嘅愛羣義工團成員就齊集喺伊利沙伯體育館，出席「第十五屆全國運動會香港賽區義工計劃」#誓師典禮，通過莊嚴嘅宣誓，展現義工團隊嘅團結、熱情同埋士氣！ 喺嚟緊嘅 #全運會，除咗有愛羣義工積極投入賽事嘅支援工作，以行動傳遞正能量之外，懲教署上下更會以唔同嘅方式 #全懲起動撐全運，將呢份運動嘅激情延伸到圍牆內外，小編將會繼續為大家直擊報道！ 香港懲教署 Facebook 官方專頁連結：https://www.facebook.com/share/p/17QGJMYYm7/

在9月6日，愛羣義工團✨大欖懲教所分隊共8名義工參與由行善最樂及明愛元朗長者社區中心（天澤中心）合辦的「福袋送暖迎中秋2025」義工活動。愛羣義工走訪天水圍區內的基層長者戶👵🏼👴🏼，親身探訪及將內有月餅等物資的福袋送到長者手上🎁。在活動中，義工亦向長者了解他們在日常生活上遇到的問題，並向社區中心作出適切轉介🤝🏼，讓長者們感受到人間有情 ，社區有愛。

【 #為善最樂 | 將專業應用到義務工作．為浪浪帶嚟幸福與希望 】 尋日 #懲教署愛羣義工團 警衛犬隊分隊嘅成員，參與咗 #香港拯救貓狗協會 嘅義工服務，教導一眾嚟自慈善組織「Smile with us HK」嘅義工，學習照顧同訓練等待被領養嘅犬隻（浪浪），從而增加浪浪獲得一個家嘅機會。 雖然尋日天氣相當翳熱，但無論係教授抑或學習嘅義工都非常投入。大家喺過程中努力透過耐心陪伴、用心互動，逐步建立浪浪對人類嘅信任同安全感。其實愛羣義工團警衛犬隊分隊，一直善用公餘時間，將工作專業應用到義工服務之上，恆常咁為浪浪進行社交禮儀同服從指令訓練，從而增加佢哋被領養嘅機會，努力為浪浪帶嚟幸福與希望。 香港懲教署 Facebook 官方專頁連結：https://www.facebook.com/share/p/17JPBh1P2D/

在8月9日，愛羣義工團壁屋懲教所分隊聯同瓊富區關愛隊舉辦「愛心同行」送暖行動，在富山邨進行長者探訪活動，為社區注入溫情。 縱使活動當日天氣酷熱，義工們身體力行上門探訪近100戶長者，並向他們送上物資與關愛。活動不僅促進了跨代交流，更讓義工們深刻體會到社區中仍有許多需要關注的角落。 義工團將秉持服務社會的精神，繼續向社區中有需要的人士提供支援及傳遞關懷。

在7月27日，愛羣義工團羅湖懲教所分隊及技擊會跆拳道分隊在香港理工大學邵逸夫體育館，為社企苗慈善會主辦的「第四屆社企苗大灣區青少年跆拳道大賽暨結業典禮」作義工服務。 義工們當日負責場地佈置、維持秩序、安排選手進退場、登記處和召集處等工作。活動不僅推動跆拳道運動及粵港澳大灣區城市間的交流融合，更為青少年提供了一個鍛鍊身心、增長見識的平台。義工們都表示能參與這樣有助青少年健康成長的活動，實在難能可貴。

愛羣義工團大欖女懲教所分隊應香港大學醫學院邀請，參與其「耆青連心樂融融計劃」。義工早前完成培訓後，在7月26日與港大醫學院的學生探訪油尖旺區的長者，提供健康評估及健康教育資訊。在活動中，愛羣義工與學生一同探訪長者，加強跨代互動交流，並協助長者融入數碼時代，包括介紹手機健康應用程式的使用方法。透過活動，義工希望能加強公眾對關愛長者及長者健康服務的關注。

在7月21日，愛羣義工團香港懲教學院分隊應東區環翠關愛隊邀請，前往東區環翠邨協助清理颱風「韋帕」吹襲後的社區。 颱風過後，環翠邨附近多處公共區域堆積斷枝落葉，部分通道更被阻礙，影響居民日常出入。為加快社區復原，愛羣義工聯同關愛隊義工在雨中清理街道，讓街坊早日回復正常生活。

【 #為善最樂 | 風雨同路·迅速支援大澳防災工作 】 熱帶風暴韋帕進一步逼近香港！今日早上，#懲教署愛羣義工團 迅速動員咗 #沙咀懲教所分隊 同 #塘福懲教所分隊，專程趕赴大澳，協助 #香港基督教女青年會大澳社區工作辦事處 準備防災包，務求喺風暴來臨前將物資送到大澳居民手中。小編多謝一眾熱心嘅職員義工，放工休班後仍義不容辭支援大澳防災工作，展現對社區嘅關懷。 希望大家喺風暴吹襲期間，做好預防工作，小心為上，平平安安。 香港懲教署 Facebook 官方專頁連結：https://www.facebook.com/share/p/1EBgDWygSU/