【 #為善最樂 | 堅持不停步．同心邁前一大步 】 #懲教署長跑隊 及 #區域應變隊 日前參加咗「#苗圃挑戰12小時慈善越野馬拉松」 ，憑住滿滿嘅善心同團結精神，今年成功衛冕「制服團隊42公里」賽事冠軍！懲教署署長黃Sir當日亦親身到場支持呢項咁有意義嘅活動，更為賽事擔任主禮嘉賓同鳴槍𠻹。#懲教署愛羣義工團 押解及支援組分隊嘅職員義工，亦身體力行為賽事提供支援並為參加者打氣，實行上下一心，為支持各地區貧困學生嘅生活及學習一齊努力！小編多謝每一位為公益堅持不停步嘅懲教人員，大家嘅一小步，成就更多有需要嘅人喺改善生活上邁前一大步！ 香港懲教署 Facebook 官方專頁連結：https://www.facebook.com/share/p/SAvCf3wwS9x4w6KP/

【 #同賀十一國慶 | 齊步走進社區 • 同心關愛社群 】 #愛羣義工團 又出動喇！喺國慶七十五周年活動期間，愛羣義工團繼續兵分多路走進社區，發揮關愛社群嘅精神，與市民大眾分享國慶喜悅。 #香港懲教學院分隊、#東頭懲教所分隊 及 #白沙灣懲教所分隊，上星期參與咗由香港仔坊會及石漁關愛隊舉辦嘅「賀國慶75周年 • 石漁送暖大行動」，走訪咗石排灣邨及漁光村，探訪近60戶獨居、雙老及有特別需要嘅長者，為佢哋送上福袋同關懷。另一邊廂，#羅湖懲教所分隊 為北區上水鄉郊關愛隊主辦嘅國慶嘉年華擔任義工，協助舉辦攤位活動，與北區居民同賀國慶之餘，亦藉機會宣揚「愛護家國、奉公守法、遠離毒品、支持更生」信息。 小編多謝一眾愛羣義工喺公餘時間身體力行關愛社區，讓市民喺歡樂氣氛下同賀國慶，一齊攜手締造更團結和諧嘅社會。 香港懲教署 Facebook 官方專頁連結： https://www.facebook.com/share/p/Bkaqsd6DRu5TLJVi

【 #同賀十一國慶 | 新生代千人合唱賀國慶‧點少得RPL份 】 為慶祝中華人民共和國成立七十五周年，懲教署青少年制服團體 #更生先鋒領袖（RPL）今晚去咗 #西九文化區，出席由 #文化體育及旅遊局 舉辦嘅「#新生代千人合唱賀國慶」活動，聯同各個青少年制服團體及嚟自唔同學校嘅學生一齊參與呢個盛會，透過「站起來」、「富起來」及「強起來」呢三個主題，展示出一幕幕國家喺過去七十五年嘅輝煌成就！#懲教署愛羣義工團 今晚亦都出動擔任活動義工，參與呢場匯聚青少年力量嘅賀國慶盛事，同展愛國情懷。 香港懲教署 Facebook 官方專頁連結： https://www.facebook.com/share/p/3fdTcwfz8SuSBfYF/