第十五屆全國運動會和殘特奧會已經喺早前圓滿結束，為咗表彰一眾義工喺賽事期間辛勤嘅付出，大會喺2月7日舉辦咗「十五運會和殘特奧會香港賽區義工嘉許禮」。當日大會邀請咗參與籃球同輪椅擊劍項目嘅愛羣義工到將軍澳單車館參與典禮，除了向一眾義工致以感謝，亦為整個計劃作一個完美嘅句號。在典禮期間，義工再一次重聚同回顧賽事期間嘅難忘時刻，感到十份高興同感觸。義工們一定會繼續將呢份對運動嘅激情延續，以行動傳遞正能量！ 再次感謝各位參與十五運會同殘特奧會嘅愛羣義工！

新春佳節臨近，總部行動處一行18位愛羣義工參加由循道衛理楊震社會服務處彩虹長者綜合服務中心舉辦嘅「新春護老家庭探訪2026」，喺1月24日到彩虹探訪長者及送上新春福袋，傳遞節日溫暖。 義工希望藉此活動向長者表達關懷，令佢地知道社會上仍有很多人關心佢地。喺活動期間，義工與一眾長者聊天互動，原本抱住送暖的心情前往，反而收到很多喜悅同溫暖。可見活動不僅喺一場關懷行動，更喺一個連結世代、傳遞人情味嘅溫馨旅程。

【 #為善最樂 | 愛羣義工走進北區．為新一年注入正能量 】一年之始，一起行善！#懲教署愛羣義工團 #羅湖懲教所分隊 日前去到粉嶺，為 #北區撲滅罪行委員會 主辦嘅「禁毒滅罪耀北區2025/26」活動擔任義工💝。義工團成員設計咗多款互動遊戲，以寓教於樂嘅方式向北區居民宣傳「愛護家國、奉公守法、遠離毒品、支持更生」嘅信息，吸引唔少市民特別係青少年踴躍參與。小編感謝義工們利用公餘時間一齊服務社區，推廣正面價值觀，為新一年注入正能量😍🫶！ 香港懲教署 Facebook 官方專頁連結：https://www.facebook.com/share/p/1KiqNo5qh8/

喺1月4日早上，愛羣義工團✨大欖女懲教所分隊應心晴行動慈善基金邀請，為「心晴跑·跑傳情2026」活動提供義工服務。是次活動盛況空前，各界踴躍支持，期望透過慈善跑引起社會注意精神健康嘅重要性，以及讓公眾能夠有更多嘅渠道認識精神健康。當日天公造美，參賽健兒喺馬鞍山參與10公里同3公里賽事🏃🏻🏃‍♀️，愛羣義工為佢地提供飲用水同食物，補充體力💪🏼。義工們都覺得今次活動十分有意義，實行以心傳「懲」❤️。

愛羣義工團✨乒乓球隊分隊3名義工於12月21日到訪明愛樂義學校智障學童宿舍，舉辦了《「懲」•「義」共融活動》，以乒乓球運動為橋樑，與宿生共渡冬至節日及預祝聖誕，傳遞共融與關懷。 義工們耐心指導學生如何握拍、接球及發球🏓，並設計有趣的練習遊戲，讓宿生在輕鬆愉快氣氛中提升他們的身體協調能力及專注力🙌🏻。明愛樂義學校對乒乓球隊義工的探訪表示感謝，稱此活動不但豐富了學生的課餘生活體驗，更讓他們感受到社會的關懷與支持💪🏼。 這次活動不單止是一場運動交流，更是一份真摯的人情互動，體現出「共融．關愛」的精神，為這個冬至節日增添一份特別的溫暖🥰。

【 #為善最樂 | 懲教同心合力．冬日送暖獻關懷 】 聽日就係冬至喇！趁住佳節臨近，懲教署制服團隊 #懲教先鋒領袖（CSPL）同埋 #懲教署愛羣義工團 兵分多路去到多區探訪長者，將溫暖傳遞到社區唔同角落。 一眾CSPL早前喺懲教先鋒領袖名譽助理總監歐陽偉傑博士及助理署長（更生事務）唐Sir帶領下，去到黃大仙富山邨上門探訪長者，將年青人嘅活力化成俾長者暖暖嘅關懷。愛羣義工團亦分頭行動，#服務質素處分隊 及 #荔枝角收押所分隊 參與咗由循道衞理楊震社會服務處彩虹長者綜合服務中心舉辦嘅「寒冬送暖顯溫情2025」，為黃大仙彩虹邨有需要嘅長者送上禦寒物資，傳遞溫暖。另一邊廂， #赤柱監獄分隊、#羅湖懲教所分隊 及 #東頭懲教所分隊 則參與咗香港仔坊會舉辦嘅「南區寒冬送暖大行動2025」，探訪南區華富邨嘅獨居及隱蔽長者，為佢哋送上福袋同窩心祝福。 小編多謝籌辦活動嘅社區團體、年輕活力嘅CSPL，以及帶同家人出動嘅愛羣義工團團員，大家同心同德走進社區傳遞溫暖與關懷。只要每人願意行多步，無論大人定細路都可以為社區增添一份情。小編預祝大家有一個溫情洋溢嘅冬日佳節。

【 #全懲起動 | 懲教人員擔任殘特奧會義工．凝聚力量服務社會 】 繼參與第十五屆全國運動會嘅義工支援後，#懲教署愛羣義工團 再次出動，同心協力為全國第十二屆殘疾人運動會暨第九屆特殊奧林匹克運動會（#殘特奧會）出一分力❤️！ 超過30位愛羣義工團成員凝聚力量，身體力行參加咗殘特奧會 #香港賽區義工計劃，全力支持呢項國家體育盛事。佢哋主要擔任 #香港賽區輪椅擊劍場館 嘅賽事助理及觀眾服務助理，協助賽事進行及場內人流管理等，另外亦駐守場外公眾服務點，為公眾提供支援服務。 小編感謝愛羣義工團成員無私嘅付出，一直努力喺社會不同嘅角落，發揚服務社群嘅精神，以各種方式為社會帶嚟正能量⭐️！ 📲重溫【 懲教人員擔任全運義工．發揮服務精神發放正能量 】www.facebook.com/reel/841249754940093

喺11月22日，愛羣義工團✨游泳隊分隊同大欖懲教所分隊參與咗喺維多利亞港舉行嘅「維港泳2025」🏊‍♂️🏊‍♀️，為大會提供義工服務 。參賽選手需要由灣仔金紫荊廣場公眾碼頭出發，游過維港到尖沙咀星光大道完成賽事👍🏼。義工們在金紫荊廣場附近一帶協助大會作人流管制等工作，令活動得以順利進行💪🏻。 除了參與呢個香港嘅盛事，義工們亦借呢個機會提提大家，2025年12月7日喺立法會選舉投票日🗳️，記得當日同心投票建未來，共創更美好嘅香港❤️！

愛羣義工團✨喺11月10日至14日，一連五日參與喺紅磡香港體育館舉行嘅第十五屆全國運動會-籃球（男子22歲以下組）⛹️‍♂️嘅義工服務 。義工們作為觀眾服務助理，在賽場內外及公共交通設施外指引觀眾進出場館、解答觀眾查詢🙋‍♂️、協助攤位遊戲運作🎪、維持媒體區📸的秩序等 ，為全運會賽事出一分力💪🏻 。義工們對於能參與全運會都感到十分高興及自豪🥰 。 喺參與呢個盛大運動會嘅同時，義工們亦不忘提提大家，2025年12月7日喺立法會選舉投票日，記得一齊去投票🗳️，共創更美好嘅香港❤️！ 接著喺12月份，愛羣義工團亦會參與殘特奧會輪椅擊劍項目嘅義工服務，到時再見👋🏼！

喺2025年11月8日及9日，愛羣義工團✨東頭懲教所分隊及大欖女懲教所分隊分別參與了由香港城市大學及香港山西總會合辦嘅「2025量子力學百年慶典」 嘅開幕儀式及交響音樂劇，負責維持秩序、人流管理、派發場刊，以及幫助在場有需要人士等，確保活動得以順利進行💪🏻。 活動當日義工們亦不忘呼籲大家記得2025年12月7日喺立法會選舉投票日，一齊去投票🗳️，共創更美好嘅香港❤️！