「以生命改變生命」流浪犬領養之旅

【 #為善最樂 | 將專業應用到義務工作．為浪浪帶嚟幸福與希望 】

尋日 #懲教署愛羣義工團 警衛犬隊分隊嘅成員，參與咗 #香港拯救貓狗協會 嘅義工服務，教導一眾嚟自慈善組織「Smile with us HK」嘅義工，學習照顧同訓練等待被領養嘅犬隻（浪浪），從而增加浪浪獲得一個家嘅機會。

雖然尋日天氣相當翳熱，但無論係教授抑或學習嘅義工都非常投入。大家喺過程中努力透過耐心陪伴、用心互動，逐步建立浪浪對人類嘅信任同安全感。其實愛羣義工團警衛犬隊分隊，一直善用公餘時間，將工作專業應用到義工服務之上，恆常咁為浪浪進行社交禮儀同服從指令訓練，從而增加佢哋被領養嘅機會，努力為浪浪帶嚟幸福與希望。

香港懲教署 Facebook 官方專頁連結：https://www.facebook.com/share/p/17JPBh1P2D/