大欖涌公立學校大掃除
【 #關懷社區 | 歲晚去舊迎新．關愛左鄰右里 】 聽日就係年廿八，家家戶戶都忙於大掃除之際，#懲教署愛羣義工團 包括嚟自 #大欖懲教所分隊、#大欖女懲教所分隊、#小欖精神病治療中心分隊 嘅職員義工，就發揮鄰里互助嘅關愛精神，去到 #大欖涌公立學校 協助村民為校舍大掃除。大欖涌村胡村長表示，雖然校舍已廢置，但校舍係佢哋村民嘅集體回憶，加上校舍歷史悠久，亦會用作保育及文化教育用途，可謂別具意義同價值。 集合眾義工嘅努力，校舍得以回復整潔面貌去迎接新一年。臨近歲晚，大家都不妨行多步，以各種方式關愛左鄰右里啦。 https://www.facebook.com/csd.gov.hk/posts/pfbid0rJLEKrgjsYNoLNp8BF3KkSsDFD5LMzbgq87WBszToUuTuKR9xkcmr1hCVAixaUVSl
送暖探訪傳關愛行動
【 #關懷社區 | 派送愛心福袋．傳遞滿滿的愛 】 雖然離農曆新年仲有約一個月，但 #懲教署愛羣義工團 已急不及待向有需要嘅人送暖傳愛！ 喺剛過去嘅星期日，愛羣義工團參加咗由 #香港山西總會 主辦嘅「#送暖探訪傳關愛行動」，為深水埗區嘅長者同弱勢社群送上關懷同溫暖。當日，署長黃Sir更親自帶領嚟自香港懲教學院分隊、勵敬懲教所分隊、白沙灣懲教所分隊及東頭懲教所分隊嘅義工，率先齊集喺麗閣社區會堂，身體力行咁協助搬運物資及包裝約二千個福袋，隨後就去到長沙灣邨上樓探訪，以及向嚟到社區會堂嘅有需要人士，送上親手包裝好嘅 #愛心福袋，一齊傳遞滿滿嘅愛與祝福。 小編都感受到呢份滿瀉嘅溫暖，希望大家都主動行多一步，多啲關心身邊有需要嘅人，令呢個城市更添人情味。 https://www.facebook.com/csd.gov.hk/posts/pfbid02rEQ7e6ybBV6Tc13XX2rmgKZu5PEDaxCCYJriS4PQcr8VVRgKvPc6Aebo5c1Qaorsl
