匹克球體驗日

愛羣義工團赤柱監獄分隊喺3月31日走進東莞工商總會張煌偉小學，特別為同學們舉辦咗一場「匹克球體驗日」，將呢項充滿活力嘅運動帶入校園！

喺活動期間，義工們悉心指導同學們匹克球嘅基本功，包括握拍姿勢、步法、發球、接球技巧及基本嘅得分策略，讓同學們喺輕鬆嘅氛圍下快速掌握竅門。義工表示，希望透過今次體驗，讓同學們從零開始接觸匹克球，好好享受匹克球嘅速度、準確度和團隊合作嘅樂趣！