懲教同心合力．冬日送暖獻關懷

【 #為善最樂 | 懲教同心合力．冬日送暖獻關懷 】

聽日就係冬至喇！趁住佳節臨近，懲教署制服團隊 #懲教先鋒領袖（CSPL）同埋 #懲教署愛羣義工團 兵分多路去到多區探訪長者，將溫暖傳遞到社區唔同角落。

一眾CSPL早前喺懲教先鋒領袖名譽助理總監歐陽偉傑博士及助理署長（更生事務）唐Sir帶領下，去到黃大仙富山邨上門探訪長者，將年青人嘅活力化成俾長者暖暖嘅關懷。愛羣義工團亦分頭行動，#服務質素處分隊 及 #荔枝角收押所分隊 參與咗由循道衞理楊震社會服務處彩虹長者綜合服務中心舉辦嘅「寒冬送暖顯溫情2025」，為黃大仙彩虹邨有需要嘅長者送上禦寒物資，傳遞溫暖。另一邊廂， #赤柱監獄分隊、#羅湖懲教所分隊 及 #東頭懲教所分隊 則參與咗香港仔坊會舉辦嘅「南區寒冬送暖大行動2025」，探訪南區華富邨嘅獨居及隱蔽長者，為佢哋送上福袋同窩心祝福。

小編多謝籌辦活動嘅社區團體、年輕活力嘅CSPL，以及帶同家人出動嘅愛羣義工團團員，大家同心同德走進社區傳遞溫暖與關懷。只要每人願意行多步，無論大人定細路都可以為社區增添一份情。小編預祝大家有一個溫情洋溢嘅冬日佳節。