風後關愛行動

【 #關懷社區 | 風後關愛行動不停步．同心為浪浪修復家園 】

隨住超強颱風 #樺加沙 遠去，各懲教院所喺一眾人員夜以繼日展開修復同善後工作下，今早已全面恢復運作，但人員關懷社區嘅行動並冇停下腳步！

今日 #懲教署愛羣義工團#香港懲教學院分隊，喺公餘時間去到位於 #元朗錦田 嘅 #香港拯救貓狗協會，幫助呢間受到暴風雨影響嘅 #流浪貓狗收容中心，清理塌樹同修繕設施，掃除潛在危險，並幫助中心盡快復常。

風雨後未必有彩虹，但總會有陽光！小編多謝一眾熱心嘅職員義工，無論係有需要嘅社群，抑或一班浪浪，都本住關愛精神，行多一步，為佢哋帶嚟光同暖。

香港懲教署 Facebook 官方專頁連結：https://www.facebook.com/share/p/16p3ChNkPt/