上海商業．博愛單車百萬行

【 #為善最樂 | 萬眾一心．為慈善破風前行 】

今年 #懲教署單車隊再接再厲，喺尋日參與咗全港最大規模嘅 #單車慈善籌款活動 —「上海商業．#博愛單車百萬行」，為博愛醫院嘅「屯門藍地長者護理及護養安老院舍」項目籌募善款，同時推廣香港單車運動，鼓勵市民多做運動、預防疾病。

雖然活動期間風勢有時頗大，但一眾懲教署單車隊成員團結一心，為慈善勇往直前、破風而行，最後順行跨越青沙公路、南灣隧道、長青公路、汀九橋同昂船洲大橋，完成約 21公里嘅路程！

嚟自 #懲教署愛羣義工團 包括 #押解及支援組分隊、#赤柱監獄分隊、#香港懲教學院分隊、#塘福懲教所分隊、#勵敬懲教所分隊 及 #大欖女懲教所分隊 嘅職員義工，更喺清晨已到達會場，為賽事提供協助及支援。

呢項咁有意義嘅慈善活動，懲教署署理副署長（更生及管理）唐Sir更出席擔任大會嘉賓，亦特別去到起點為一眾隊員及唔同崗位嘅義工打氣，上下一心為慈善出一分力！

香港懲教署 Facebook 官方專頁連結：https://www.facebook.com/share/p/1CBmW6eZBj/