【 #為善最樂 | 中秋愛心速遞遍多區．同老友記開心迎佳節 】 「中秋節快樂！身體健康！」義工一句簡單嘅祝福，足以令一班老友記綻放出真摯燦爛嘅笑容！趁住中秋節到臨，#懲教署愛羣義工團 再次出動，利用公餘時間兵分多路，將關愛同佳節喜悅速遞俾多區長者！ 愛羣義工團 #大欖懲教所分隊 及 #大欖女懲教所分隊 早前率先去到大窩口嘅長者中心及屯門嘅安老院，探望一班老友記兼同佢哋玩遊戲，提早送上佳節歡樂；#東頭懲教所分隊、#壁屋懲教所分隊、#赤柱監獄分隊 同埋 #押解及支援組分隊，齊齊去到彩雲邨探訪長者，送上應節月餅同福袋，喜迎中秋；#壁屋監獄分隊、#勵敬懲教所分隊、#白沙灣懲教所分隊 及 #單車隊分隊，就分別到訪咗慈雲山、黃大仙同土瓜灣嘅長者及護老家庭，傳遞節日關愛同溫暖。 小編希望大家都感受到愛羣義工團呢份愛同祝福，預祝大家人月兩團圓，中秋節快樂！ 香港懲教署 Facebook 官方專頁連結：https://www.facebook.com/share/p/1DtkWaSVJt/

愛羣義工團小欖精神病治療中心分隊同大欖女懲教所分隊再次聯手出動！佢哋喺9月15日到訪屯門仁濟醫院何式南小學，為超過200名小學生帶來既有趣又充實嘅專題講座，內容包括「精神健康與預防毒品」同「國家安全」。 小欖精神病治療中心分隊嘅精神科護士義工以生動易明嘅方式，與同學們分享有關精神健康嘅小貼士，以及提醒佢哋毒品嘅禍害，令佢哋學識保護自己、遠離毒品 ，並建立正確價值觀。 而大欖女懲教所分隊嘅義工則向同學們介紹國家安全概念，鼓勵同學們從小培養守法意識，明白自己應有嘅責任同角色 。 義工喺活動期間安排咗互動遊戲同分享環節，現場氣氛非常熱烈！同學們不但學到實用嘅精神健康同毒品預防知識，亦加深對國家安全嘅認識，並度過了一個收穫滿滿嘅下午。愛羣義工團將會繼續發揮專業所長，走進校園同社區，一同守護下一代健康成長。

【 #社區教育 | 排球隊義工走進小學．向新生代傳遞運動正能量 】 傳統排球大家可能接觸過，咁「#輕排球」又試過未呢？最近 #懲教署愛羣義工團#排球隊分隊 去到 #香港道教聯合會圓玄學院陳呂重德紀念學校，為一班活潑可愛嘅小學生舉辦咗「#輕排球體驗日」，藉住 #輕排球 呢項 #新興運動，向新生代傳遞運動正能量！ 義工非常細心咁一招一式傳授「接、傳、扣」三大 #輕排球 技巧，從而提升大家嘅手眼協調同身體靈活度，仲即場進行咗一場精彩嘅示範賽，等一班小學生喺輕鬆愉快嘅氣氛下感受 #輕排球 嘅樂趣！其實運動除咗可以強身健體之外，仲可以建立正向積極嘅人生觀！希望今次體驗可以喺小朋友心中播下種子，從小開始養成運動習慣，成為健康快樂嘅新生代！ 香港懲教署 Facebook 官方專頁連結：https://www.facebook.com/share/p/1BGbAcmkUh/

【 #為善最樂 | 愛羣義工無懼暑熱．協助災民重建家園 】 早前 #南區水菜田村 發生火災，波及村內鐵皮屋。為咗協助受影響嘅村民盡快重建家園，#懲教署愛羣義工團 應 #華富南關愛隊 邀請，迅速凝聚義工力量，動員 #香港懲教學院分隊、#押解及支援組分隊、#赤柱監獄分隊 及 #籃球隊分隊 支援今次復修工程。 不過重建工作第一關就相當考驗體力同耐力！義工需要靠人力搬運大量英泥、瓦仔同沙等重型建材，經過狹窄嘅路徑兼行近百級樓梯，先至到達需重建嘅鐵皮屋位置，真係每一步都係考驗！正所謂「團結就是力量」，大家無懼酷熱天氣，眾志成城，最後順利將建材逐一運到村內，為之後嘅復修工程做好準備！ 感謝一眾愛羣義工，喺公餘時間身體力行關愛社區，以汗水展現 #無私奉獻精神。小編喺度亦祝願水菜田村嘅村民早日生活復常、家家戶戶平平安安！ 香港懲教署 Facebook 官方專頁連結：https://www.facebook.com/share/p/1Hmmn11H3n/

愛羣義工團小欖精神病治療中心分隊同大欖女懲教所分隊，喺8月13日一同到訪屯門三聖邨仁愛堂吳金玉紀念長者鄰舍中心，舉辦「長者身心健康講座及音樂分享會」。 當日活動喺由愛羣義工帶領，透過講座、互動遊戲同音樂分享，向超過40位老友記講解身心健康嘅重要元素。當中，講座由持有精神科護理專業資格嘅義工主講，而一眾義工則帶領老友記唱歌同參與遊戲，現場氣氛熱鬧，充滿歡樂。老友記喺學習到精神健康知識嘅同時，亦度過了一個愉快嘅下午。 愛羣義工團將繼續發揮專業精神服務社會，守護社區精神健康。

愛羣義工團押解及支援組分隊同東頭懲教所分隊喺7月11日走訪「仁濟醫院梨木樹彩悠軒」殘疾人士院舍，喺該院舍嘅活動室進行牆紙拆除服務。該殘疾人士院舍因應其翻新需要，計劃進行牆紙更換工程，以改善院舍環境，故主動邀請義工團協助，義工團當然不負所托，全力配合。 當日義工們齊心協力，先將舊牆紙一幅幅拆下，再用工具細心剷除牆上殘留嘅牆紙物料，每個步驟都講求耐性同細心。完成拆除後，大家亦一同清理現場，確保場地整齊整潔。 整個過程義工們分工合作、認真投入，順利完成活動室嘅牆紙拆除工作，為院舍日後更換牆紙做好準備，進一步提升院舍環境。 透過今次服務，義工們希望以實際行動關心社區中嘅弱勢社群，將關愛同正能量傳遞開去。

愛羣義工團喜靈洲分隊嘅義工喺7月3日同7月10日放工後，走訪離島坪洲探訪當區老友記，為佢哋送上愛心同關懷。 義工們除咗為老友記送上物資，更走入佢哋屋企，同佢哋傾下計、陪下佢哋。探訪期間，有老友記話見到義工嚟探佢好開心，一句簡單說話，已經令義工想多留一陣，陪佢傾多幾句，聽下佢講以前嘅故事。原來義工短暫嘅出現，對老友記嚟講，可能已經帶來一整日嘅溫暖。 透過今次活動，義工更加了解到老友記最需要嘅係一份陪伴同關懷。由於離島交通比較唔方便，老友記外出都較為困難，但只要我哋願意多行一步多探訪佢哋，社會就會多一分溫暖。希望之後有更多同事一齊參與義工服務，將關愛帶到社區每一個角落。

愛羣義工團羅湖懲教所分隊、懲教署體育會技擊會跆拳道分隊，聯同懲教署職員會所轄下九龍第1555旅小童軍A團領袖嘅義工，喺7月5日齊集喺香港理工大學邵逸夫體育館，參與由社企苗慈善會主辦嘅「深港同心向未來2026第五屆社企苗大灣區青少年武藝大賽暨結業典禮」嘅義工服務！ 義工們當日負責場地佈置、維持秩序、安排選手進退場、登記處同召集處等工作。呢個盛會不僅成功推廣跆拳道運動，更為粵港澳大灣區搭建寶貴嘅青少年交流平台，讓三地青少年喺切磋武藝嘅同時，開拓視野、強健體魄。當義工們見到參賽嘅青少年喺競技場上自信綻放、茁壯成長，無不感到欣喜與鼓舞。

【 #為善最樂 | 愛羣義工溫情探訪．跨世代同賀回歸 】 #懲教署愛羣義工團 再次出動！今次 #香港懲教學院分隊 同 #押解及支援組分隊，參與咗由 #香港仔坊會 舉辦嘅「慶回歸29周年『90後』關愛『八十後』社區『友里』探訪大行動」，走訪田灣漁映樓、石排灣邨及漁光村，探訪咗多戶80歲或以上嘅老友記，共慶回歸之餘，亦為佢哋送上真摯嘅關懷同祝福 。 探訪期間，義工除咗向長者送上 #慶回歸福袋 外，更加準備咗蛋糕同旗仔，同老友記一齊慶祝回歸兼高壽之喜，為現場增添滿滿嘅喜慶氣氛。 今次義工服務展現咗跨世代關懷共融精神，義工透過窩心探訪同互動，唔單止溫暖咗老友記嘅內心，亦為社區注入咗正能量，更令慶祝 #回歸紀念日 增添多一重意義！ 香港懲教署 Facebook 官方專頁連結：https://www.facebook.com/share/p/1KNUyMJZYm/

愛羣義工團石壁監獄分隊聯同沙咀懲教所分隊喺6月15、16同23日到訪寶蓮禪寺，協助籌備「香港荷花展2026」。義工們齊心協力投入各項籌備工作，包括場地設置、搬運花盤同相關物資等，展現出團結合作同不辭勞苦嘅精神。服務期間更遇上天雨，不過義工們無懼風雨，全力以赴完成各項任務。主辦機構亦喺荷花展典禮向義工頒發感謝狀，表揚佢地喺籌備工作中嘅熱心參與同貢獻。 義工們盡心盡力準備荷花展，以實際行動服務社區，並期望市民除咗可以欣賞荷花之美同感受中國傳統文化外，亦能體會到活動背後凝聚嘅一份心意。