「長者身心健康講座及音樂分享會」

愛羣義工團小欖精神病治療中心分隊同大欖女懲教所分隊，喺8月13日一同到訪屯門三聖邨仁愛堂吳金玉紀念長者鄰舍中心，舉辦「長者身心健康講座及音樂分享會」。

當日活動喺由愛羣義工帶領，透過講座、互動遊戲同音樂分享，向超過40位老友記講解身心健康嘅重要元素。當中，講座由持有精神科護理專業資格嘅義工主講，而一眾義工則帶領老友記唱歌同參與遊戲，現場氣氛熱鬧，充滿歡樂。老友記喺學習到精神健康知識嘅同時，亦度過了一個愉快嘅下午。

愛羣義工團將繼續發揮專業精神服務社會，守護社區精神健康。