一年一度端午節快到喇，食糉同龍舟競賽當然唔少得。但大家有冇諗過，喺享受這熱鬧氣氛之時，亦可發放愛心，與弱能人士共渡一個非一般嘅端午節呢?

自2010年起，愛羣義工團義工每年都聯同鄰舍輔導會智齡專上學院嘅弱能人士一齊組成龍舟隊 -「臥虎藏龍」隊，參加龍舟競賽，喺上年嘅「特能龍舟賽2014」共融決賽中更奪冠!

常言道「台上一分鐘，台下十年功」。雖然「臥虎藏龍」隊只是組成咗幾年，但義工同埋弱能朋友喺每年3、4月間便開始練習。「隆! 隆! 隆!」大家喺擂鼓聲中奮力划槳前進、齊上齊落，互相鼓勵，體現傷健共融、同「舟」共濟精神!

今年「臥虎藏龍」隊將分別參加6月20日於西貢舉行嘅「特能龍舟賽2015」同埋7月5日於尖沙咀舉行嘅「國際龍舟展能邀請賽2015」，押解及支援組分隊義工已經喺上個月開始與弱能朋友加緊練習，齊心協力向今年嘅龍舟比賽進發。

愛羣義工團一直提供多元化的義工服務，其中包括探訪獨居長者、協助弱能人士融入社群活動、協辦大型慈善活動和青少年教育等。如果你都想同我地愛心同行，透過不同嘅義工活動，關懷社羣的話，誠邀你加入愛羣義工團，成為我地一份子，一齊同「舟」共濟啦!